யமுனாவீடு – 61

தொடர் கவிதை

- Advertisement -

பெரும்சிரத்தையோடு இருக்கும் உன்விசாரிப்புக்களைக் கடந்துசெல்கையில்
எதிர்படும் கோபத்தை யார்மீது காட்டுவது.

நலம்விசாரிப்பதற்காக இல்லாவிட்டாலும்
வழிகாட்டச்சொல்லி
முகவரி அட்டையோடு
யாராவது வந்துவிடுகின்றனர்.

ஏதேனும் ஒன்று
இங்கு நிகழத்தான் போகிறது
அதற்குள் எதிர்படும் ஒருவருக்கு
தேநீரை வழங்கவேண்டுமெனில்
அழைத்துப்பேசி
அபிப்பிராய்களைப் பெற்றுச்செல்லவேண்டும்

முழுவானத்தையும் அளந்துவிடப் பறந்துசெல்லும் பறவையைப்போல
கடந்துசெல்லும் எல்லோரிடத்திலும்
அன்பின் மொழியில் பேசுவதெப்படி.

எல்லோருக்கும் வாழ்வில் ஒரேகுறைதானா
சத்தம்போட்டு கூடடையச்செல்லும் பறவைகளோடு
உன்னை எண்ணிக்கொண்டே நடக்கிறேன் யமுனா

அந்த தீபம் எரிந்துகொண்டிருக்கும்வரை அவசரப்படப்போவதில்லை.

- கட்டுரைப்போட்டி முடிவுகள் -
பாண்டித்துரை
பாண்டித்துரைhttps://minkirukkal.com/author/pandiidurai/
பெயர் இராஜேந்திரன் நீதிப்பாண்டி. (அப்பா பெயர் இராஜேந்திரன்). சொந்த ஊர் அ.காளாப்பூர் (சிவகங்கை மாவட்டம்) வணிகவியல் இளங்கலை படித்த நான் தற்போது சிங்கப்பூரில் கட்டுமானத்துறையில் கட்டுமான பாதுகாப்பு பிரிவில் மேலாளராக பணிபுறிகிறேன். 2006 முதல் பாண்டித்துரை எனும் பெயரில் எழுதிவருகிறேன். அவநிதாவின் சொல் & மாயா மது உதயா எனும் இரண்டு கவிதை நூல்களை எழுதியிருக்கிறேன். குறும்படம் மீது உள்ள ஆர்வத்தில் நண்பர்களுடன் இணைந்து சில குறும்பட முயற்சிகள் செய்துள்ளேன்.

தொடர்புடைய பதிவுகள்

படைப்புகள்

- Advertisement -