யமுனாவீடு – 40

தொடர் கவிதைகள்

- Advertisement -

கதை சொல்லச்சொல்லி கேட்கும் அவள்
வானம் தொடும் பறவையானாள்
ஒரு வண்ணத்தை ரசிக்கிறாள்
மலரைப் பறித்துச் சூடிப்பார்ப்பாள்
அழகாக மலர்பறித்த செடியோடு
பேசிக்கொண்டிருப்பாள்
சட்டென்று இசைக்கருவியை வாசிப்பவள்
இப்படித்தான் என துள்ளிக்குதிப்பாள்
மழைக்காற்றாய் பரவி
இரையைக் கொத்தித் தின்னும்
பறவையின் காலடியோசையாக ஆடுவாள்
மெல்ல மெல்ல வரும் பூனையைப்போல
நடந்து பார்ப்பாள்
பின்தொடரும் நிழலை
பிடிக்க விளையாடுவாள்
அழகாய்தானிருக்கும்
சித்திரங்களை வரைபவள்
பட்டாம்பூச்சியைப்போல
கண்களைச்சிமிட்டி
கருணையோடு
உங்களின் கண்களைப் பார்ப்பாள்
சற்றுநேரம் மௌனமாக இருப்பாள்
பெருநகர வெளிச்சத்தில்
அன்றாடம் யமுனாவை
இப்படித்தான் பார்க்கத்தோன்றும்
ஒரு குழந்தை
வீட்டை நிரப்புவதைப்போலத்தான்
யமுனாவும்…

- இரண்டாம் ஆண்டு – இரண்டு போட்டிகள் -
பாண்டித்துரைhttps://minkirukkal.com/author/pandiidurai/
பெயர் இராஜேந்திரன் நீதிப்பாண்டி. (அப்பா பெயர் இராஜேந்திரன்). சொந்த ஊர் அ.காளாப்பூர் (சிவகங்கை மாவட்டம்) வணிகவியல் இளங்கலை படித்த நான் தற்போது சிங்கப்பூரில் கட்டுமானத்துறையில் கட்டுமான பாதுகாப்பு பிரிவில் மேலாளராக பணிபுறிகிறேன். 2006 முதல் பாண்டித்துரை எனும் பெயரில் எழுதிவருகிறேன். அவநிதாவின் சொல் & மாயா மது உதயா எனும் இரண்டு கவிதை நூல்களை எழுதியிருக்கிறேன். குறும்படம் மீது உள்ள ஆர்வத்தில் நண்பர்களுடன் இணைந்து சில குறும்பட முயற்சிகள் செய்துள்ளேன்.
guest
0 Comments
Inline Feedbacks
View all comments

தொடர்புடைய பதிவுகள்

படைப்புகள்

- Advertisement -
0
Would love your thoughts, please comment.x
()
x