யமுனா வீடு – 26

தொடர் கவிதை

- Advertisement -

வானத்து விண்மீன்கள் பார்த்துக்கொண்டிருந்த இரவில்
துளிர்த்த கண்ணீரோடு
யமுனா கடல் பார்த்து நின்றுகொண்டிருந்தாள்
தூரத்துக் கடலோடிகள் விசையை ஆழ்கடலுக்குள் செலுத்திக்கொண்டிருக்க
அவள் தலைகோத யாருமில்லை
பாதம் கழுவிச்செல்லும் அலை
ஒரு அலைக்கு பாசியை கால்களில் கோர்த்து
ஒரு அலைக்கு சிறிய சங்கொன்றை சமர்பித்து
ஒரு அலைக்கு மரக்குச்சியை கொணர்ந்து
ஒரு அலைக்கு மணலை பொதித்து
ஒவ்வொரு முறையும் சிறிதும் பெரிதுமாக இறைஞ்சுகிறது
கடல் கொள்ளும் அவள் மௌனம் கண்டு
இருள் கிழித்து
சிறகு விரித்த பறவையொன்று மேலெழும்பிப் பறக்கிறது
ஒன்றும் அறியாத கடல் ஆர்பரித்துக்கொண்டிருக்க
விடுதலை வேண்டிய யமுனா கண்களுக்குள் கடலை இழுத்துக்கொண்டிருக்கிறாள்

- வரலாற்றுச் சிறுகதைப் போட்டி – 2022 -
பாண்டித்துரை
பாண்டித்துரைhttps://minkirukkal.com/author/pandiidurai/
பெயர் இராஜேந்திரன் நீதிப்பாண்டி. (அப்பா பெயர் இராஜேந்திரன்). சொந்த ஊர் அ.காளாப்பூர் (சிவகங்கை மாவட்டம்) வணிகவியல் இளங்கலை படித்த நான் தற்போது சிங்கப்பூரில் கட்டுமானத்துறையில் கட்டுமான பாதுகாப்பு பிரிவில் மேலாளராக பணிபுறிகிறேன். 2006 முதல் பாண்டித்துரை எனும் பெயரில் எழுதிவருகிறேன். அவநிதாவின் சொல் & மாயா மது உதயா எனும் இரண்டு கவிதை நூல்களை எழுதியிருக்கிறேன். குறும்படம் மீது உள்ள ஆர்வத்தில் நண்பர்களுடன் இணைந்து சில குறும்பட முயற்சிகள் செய்துள்ளேன்.

தொடர்புடைய பதிவுகள்

படைப்புகள்

- Advertisement -