பெருநகர் கனவுகள் 14

அழைப்புகளின் துயரம்

அழைப்புகளின் துயரம்

- Advertisement -

யாரேனும்
எப்பொழுதாவது
யாரையோ
அழைக்க முயல்கிறார்கள்.

அலுப்பில்லாமல்
அவர்களின் அழைப்புகள்
கேட்டுக் கொண்டேயிருக்கின்றன.

கோபத்துடன்
உரிமையுடன்
அழைக்கும் குரல்களுக்கு
ஒத்திசைந்து கொள்கிறது
தீராப்பகலின் பிடிவாதங்கள்.

வெறுப்புடன்
விரக்தியுடன்
அழைக்கும்
குரல்களுக்கு
தடையில்லாமல்
விரிகின்றன
தீர்வுகளற்ற பொழுதுகள்.

குழந்தைத்தனத்துடன்
அழைக்கும் குரல்களுக்கு
இம்மியளவு இடமளிக்கிறது
வெயிலின் காட்டம்.

தெரியாதது போல
நிகழும்
அனைத்துப் பாவனைக்குள்ளும்
திணறி தொலைகின்றன
அழைப்புகள்.

இப்பொழுதும்
யாரோ
யாரையோ
அழைக்கிறார்கள்.

பொழுது கரைந்து
அழைப்புகளைத்
துளிர்த்துக் கொட்டுகிறது.

மீண்டும்
அழைப்புகள் நிகழ்கின்றன.

-கே.பாலமுருகன்

- வரலாற்றுச் சிறுகதைப் போட்டி – 2022 -
கே.பாலமுருகன்
கே.பாலமுருகன்https://minkirukkal.com/author/kbalamurugan/
மலேசிய எழுத்தாளர், தமிழாசிரியராகப் பணியாற்றி வருகிறார். இதுவரை இலக்கியம் சார்ந்து 15 நூல்களும், கல்வி ஆய்வியல் சார்ந்து 18 நூல்களும் இயற்றியுள்ளார். தஞ்சை தமிழ்ப்பல்கலைக்கழகத்தின் இலக்கியத்திற்கான கரிகாற் சோழன் விருது, அன்னை வேளாங்கன்னி கலைக் கல்லூரியின் தனி நாயகர் தமிழ் நாயகர் விருது, குறிஞ்சி கபிலர் இயக்கத்தின் பாரதி விருது, மலேசியப் பல்கலைக்கழகத்தின் எம்.ஏ.இளஞ்செல்வன் விருது, சி.கமலநாதன் விருது, குடியரசு தின விருது என இலக்கியத்திலும் கலை படைப்புகளிலும் இதுவரை 25 சர்வதேச விருதுகள் பெற்றுள்ளார். மலேசியாவில் பலகலைக்கழக, கல்லூரி மாணவர்களுக்கான சிறுகதைப் பயிற்றுநராக வெண்பலகை எனும் திட்டத்தில் செயலாற்றி வருகிறார். அதோடுமட்டுமல்லாமல் சிறுவர் நாவல்கள், சிறுவர் சிறுகதைகள், சிறுவர்களுக்கான படைப்பிலக்கியத் தளங்களை உருவாக்கி அடுத்த தலைமுறை மாணவர்களுக்கும் வழிகாட்டி வருகிறார். http://balamurugan.org என்கிற தன் அகப்பக்கத்தில் எழுதியும் வருகிறார்.

தொடர்புடைய பதிவுகள்

படைப்புகள்

- Advertisement -