- Advertisement -
தினசரி வரிசையில் திண்டாடும்
உயிர்கள் கட்டற்ற விலையேற்றம்
கதறியழும் மரத்த விழிகள்…!
பஞ்சம் தலைதூக்கி பசி விதியாக
விற்று உண்ணவும் ஏதுமின்றி ஏழை
உடல் தீயால் சிதைகின்றது…!
பதுக்கும் வாணிபம் தலை தூக்க
மனிதாபிமானம் மறைந்து போய்
பொருள் விலையோ நஞ்சானது…!
வறுமை சிறைபிடித்த வாழ்வதை
வாழவும் வழி இல்லை நஞ்சு
உண்ணவும் வசதி இல்லை….!
தாய் உடல் மெலிந்ததால் சேய்
உடல் பாலின்றி மடிகின்றதே
இதை நினைக்கையில் நெஞ்சம்
பதைக்கின்றதே….!
அப்பாவி உயிர்களை பிழிந்து
குடித்து தாம் கொழுத்து சுகம்
காணும் கொடுங்கோல் அரக்கனின் கொடிய ஆட்சியில் பரிதாமாய் பறிபோகும் பல உயிர்கள்….!
