- Advertisement -
நீண்டதொரு பெருமழைநாள்
சன்னல் பார்த்தபடி
தேநீர் பருகிக்கொண்டிருந்த யமுனா
முகம் மேல் தெறித்த மழை நீரை
விரல்தொட்டு எடுத்து
சன்னல் சட்டங்களில் ஒற்றிப்பார்த்தாள்
குறுஞ்சிரிப்போடு
குவளைத்தேநீரை வெளியே நீட்டி
ஒவ்வொரு சட்டங்களாக கடந்துகொண்டிருந்தவளின் கண்களில்
மேகம் பார்த்தேன்
புளோக் 650 – ல்
தேநீர் பருகிக்கொண்டு
நிலவு மறைய பார்த்துக்கொண்டிருந்தேன்
எந்தச் சன்னல் சட்டகம்
இந்த நிலவை உள்ளிழுத்துக்கொள்ளுமோ
அந்த மனதில்
அவளின் அருகில்
இரு குவளைத்தேநீரை பருகிக்கொண்டிருப்பதுபோன்ற
புதிய கனவொன்று பிறக்கலாம்
இந்தக்கனவு தள்ளிப்போககூடாது
