- Advertisement -
நான் என்ன பார்க்கிறேன்
தெரியாது
என்ன பார்க்கிறேன் என்று
நீ கேட்கிறாய்
தெரியாது என்கிறேன்
தெரியாது என்பது பதிலல்ல
அங்கொரு பறவையிருக்கலாம்
என்கிறாய்
ஆமோதிக்கிறேன்
அங்கொரு பறவையிருந்திருக்கலாம்
ரகசியமாகவே கூப்பிட்டுப்பார்க்கிறேன்
அங்கு நீ என்ன பார்த்தாயென்று
அவள் பார்த்த பறவையிருந்தது
என்கிறாய்
வேறொரு கேள்வியெழுப்பினாய்
அவசியமானதொன்று
பொதுவாக
ஏதாவது ஒரு கணக்கைச்சொல்லலாம்
ஆனால் ஒரு உண்மையைச் சொல்கிறேன்
தெரியாது
உனக்குத் தெரியாது
உன்னிடம்
ஒப்புக்கொடுக்கிறேன்
எந்த ஒரு சங்கடமுமில்லை
பறவையைப்போல
சிறகைவிரித்துப் பறந்துபோக
என்னைத்தான் தண்டித்துக்கொள்கிறேன்
யமுனா.
