சகடக் கவிதைகள் – 25

காலம் தாண்டிய பேரொளி

- Advertisement -

காலம் தாண்டிய பேரொளி

எத்துணை இருட்டென்றாலும்
எது இருப்பது தெரியாவிடினும்
தான் இருப்பது மட்டும்
தானாகவேத் தெரிகிறது

பிரபஞ்சக் கருமையால்
பிறரென்ற ஒன்றில்லை
இருப்பதையும் உணர
இவனைத் தவிற வேறில்லை

திறந்த கண்களுக்கும் கருப்பாய்
தெரியும் வெளியைக் காண
காணாத கண் ஒன்றைத்
திறந்தாலன்றிப் பயனில்லை

தட்டுத் தருமாறி இருட்டில்
தட்டிய கதவுகள் கணக்கில்லை
திறந்த கதவிடுக்கின் வழி கசியும்
தென்றல் தீண்டும் வரை
தெரிய வாய்ப்பில்லை

பெரும் ஒளிப்பிழம்பின் கிரணங்கள்
பெருவெள்ளமாய் பாய்ந்தாலும்
பலவந்தக் குருட்டைப் பற்றியவன்
பலனடையத்தான் முடியுமோ?

ஆயுதத்தை தயார் செய்து
ஆயத்தமாய் போருக்கு நின்று
அனுதினமும் அடைகிறான்
அளவிடாத் துன்பத்தை

கத்தியை தீட்டித் தீட்டி
காலத்தை வெட்டிப் பார்க்கிறான்
கைகள் பலமாய் இருப்பினும்
கிழியுமோ இருளின் கருமை?

இந்த கவிதைத் தொகுப்பின் முந்தைய பகுதிகளைப் படிக்க இங்கே சொடுக்கவும்

- கட்டுரைப்போட்டி முடிவுகள் -
ராகவ் மிர்தாத்http://www.rakavmirdath.com
மனித உளவியலையே மாற்றக்கூடிய சக்தி படைத்த சினிமாவில் தானும் ஒரு தவிர்க்க முடியாத பங்காற்ற வேண்டுமென்ற தணியாத கலைத்தாகத்தால் உந்தப்பட்ட படைப்பாளி, இயக்குனர், எழுத்தாளர்.இவரது படைப்புகள் வெகுவிரைவில் வெள்ளித்திரையில் காணக்கிடைக்கும் என்பதில் மகிழ்ச்சி.தேசிய விருது பெற்ற “பாரம்" படத்தின் திரைக்கதை மற்றும் வசனகர்த்தா.இவருடைய “மிருணா” என்கிற குறும்படம் ரீகல்டாக்கீஸ் ஓடிடி தளத்தில் வெளியிடப்பட்டுள்ளது.
guest
0 Comments
Inline Feedbacks
View all comments

தொடர்புடைய பதிவுகள்

படைப்புகள்

- Advertisement -
0
Would love your thoughts, please comment.x
()
x