யமுனா தான் என்றில்லை
யாரிடம் என்னைப் பற்றி கேட்டிருந்தாலும்
அப்படித்தான் சொல்லியிருப்பார்கள்
ஒரு நதிக்கு அழைத்துச் சென்று
அவளிடம் கற்களைக் கொடுத்து
தண்ணீருக்குள் எறியச்சொன்னேன்
கற்களின் எடைக்கு தகுந்தவாறு
அவளின் முயற்சியும் வீச்ச்சும் இருக்கக் கண்டேன்
கற்கள் எழுப்பிய சப்தத்திற்கு காது கொடுத்து
அவை உருவாக்கிய அலைகளின் மீதேறி பயணப்பட்டேன்
அடுத்த முறையும்
நீர்நிலையைப் பார்க்க
அழைக்காதே என்றவள்
சமுத்திரமாக எழுந்து நின்றாள்