அருணாவைத் தெரிந்திருக்கும்
உங்களுக்குத் தெரிந்த அருணாவை எனக்குத் தெரியாது
அருணா நம்மைப்போலத்தான் ஒரு பணியிலிருக்கிறாள்
அவளுக்கு ஒதுக்கப்பட்ட நேரத்தில்
பரிந்துரை செய்யப்படாத பாடலுக்கு
நெளிந்து உருகி ஆடிக்கொண்டிருப்பாள்
நீங்கள் ஒரு பாடலை பரிந்துரைக்கலாம்
நெளிந்து உருகி ஆடிக்கொண்டிருப்பாள்
இசைக்கான வேகம் கொண்டவள்
அருணாவிற்கு ஒரு கதையிருக்கும்
உங்களுக்கு ஒரு கதையிருக்கும்
இருவருக்குமான கதைவெளியை கலைத்துப்போடும் இரவது
நீங்கள் அருணாவைப் பார்த்துக்கொண்டிருப்பீர்கள்
அருணா உங்களையும் பார்ப்பாள்
இரவைக் கொண்டாடுபவரா நீங்கள்
இந்த இரவைத் தவறவிட்டாலும்
அருணாவைப் பார்க்கலாம்
யோசித்துப்பார்த்தாலும் அந்த நெளிந்த நடனமாக இருக்காது
நெளிந்து உருகி ஆடிக்கொண்டிருக்கும் அருணா, யமுனாவாகவோ! யாமினியாகவோ! தூரதேசத்தின் இரவில்
நெளிந்து உருகி ஆடிக்கொண்டிருப்பாள்.
யமுனா வீடு – 14
![](https://minkirukkal.com/wp-content/uploads/2021/02/111114-1024x419.jpg)
PC: ஓவியர் துரையெழிலன்